Հնդկաստանը փորձարկում է նավթը

Հնդկաստանի նավթավերամշակման գործարանները ամերիկյան ExxonMobil ընկերությունից գնել են գայանական հում նավթի իրենց առաջին խոշոր խմբաքանակը, հայտնել են աղբյուրները Reuters-ին։

Ըստ աղբյուրների՝ Հնդկաստանի խոշորագույն նավթավերամշակման գործարանները՝ Indian Oil Corp.-ը և Hindustan Petroleum Corp.-ը, գնել են գայանական Golden Arrowhead հում նավթի 4 միլիոն բարել։ Այս առաջին նման գործարքի շրջանակներում մատակարարումը նախատեսված է 2025 թվականի վերջին կամ 2026 թվականի սկզբին։

Ավելի վաղ ԱՄՆ նախագահ Դոնալդ Թրամփը հայտարարել էր, որ Հնդկաստանի վարչապետ Նարենդրա Մոդին պատրաստակամություն է հայտնել դադարեցնել ռուսական նավթի գնումները։

Միևնույն ժամանակ, Հնդկաստանի արտաքին գործերի նախարարության խոսնակը հայտարարել է, որ նախարարությունը վերջին 24 ժամվա ընթացքում Մոդիի և Թրամփի միջև շփումների մասին որևէ տեղեկություն չունի։ Էներգիայի ներմուծման հարցում Նյու Դելին առաջնահերթություն է տալիս իր սպառողների շահերին, ընդգծել է խոսնակը։