Ռուսաստանի երեք մարզերում կարող է բարձրանալ տրանսպորտային հարկը

«Ведомости»-ի տեղեկացմամբ՝ Նովոսիբիրսկի և Օրենբուրգի մարզերում, ինչպես նաև Կրասնոյարսկի երկրամասում քննարկվում է տրանսպորտային հարկի բարձրացման հարցը։ Տարածաշրջանների ղեկավարները համապատասխան օրինագծեր են ներկայացրել տեղական օրենսդիր մարմիններին՝ բյուջեի լրացուցիչ եկամուտներ ապահովելու նպատակով։

📊 Կանխատեսվող բյուջետային եկամուտներ.

• Նովոսիբիրսկի մարզ — շուրջ 219,6 մլն ռուբլի,

• Կրասնոյարսկի երկրամաս — 334,8 մլն ռուբլի,

• Օրենբուրգի մարզ — տարեկան մոտ 534,8 մլն ռուբլի 2027 թվականից սկսած։

🔹 Օրենբուրգի մարզում ներկայումս գործում են ամենացածր տրանսպորտային հարկային դրույքաչափերը Պրիվոլժսկի դաշնային շրջանում՝ մինչև 100 ձ․ուժ ունեցող ավտոմեքենաների համար հարկը կազմում է 0 ռուբլի։
Ըստ նահանգապետ Եվգենի Սոլնցևի նախաձեռնության՝

• այդ դասի մեքենաների համար կսահմանվի 7 ռուբլի մեկ ձ․ուժի հաշվով,

• 100–150 ձ․ուժ ունեցողների համար՝ 15-ից մինչև 20 ռուբլի,

• իսկ 150 ձ․ուժից բարձր մեքենաների հարկը չի փոխվի։

🔹 Նովոսիբիրսկի մարզում նախատեսվում է հարկի 10,9% բարձրացում։ Տեղական իշխանությունները բացատրում են, որ տրանսպորտային հարկը կապվում է Lada Granta-ի կես բաքի բենզինի արժեքի հետ, որը տարեսկզբից աճել է նույն տոկոսով։ Միևնույն ժամանակ, ՍՀՃ մասնակից վետերանները կազատվեն մինչև 150 ձ․ուժ ունեցող մեքենաների հարկից։

🔹 Կրասնոյարսկի երկրամասում նոր դրույքաչափերը կլինեն հետևյալը՝

• մինչև 100 ձ․ուժ — 7 ռուբլի 1 ձ․ուժի հաշվով (նախկինում՝ 5),

• 100–150 ձ․ուժ — 16 ռուբլի (նախկինում՝ 14,5),

• 150–200 ձ․ուժ — 32 ռուբլի (նախկինում՝ 29),

• ավելի քան 250 ձ․ուժ — 114 ռուբլի (նախկինում՝ 102)։

Այս փոփոխությունները նպատակ ունեն ավելացնել տեղական բյուջեների եկամուտները, սակայն միաժամանակ մի շարք խմբերի համար նախատեսվում են լրացուցիչ հարկային արտոնություններ։