Վրաստանում վերանորոգվում է ամենավտանգավոր լեռնային ճանապարհը

Վրաստանի ավտոճանապարհների վարչությունը տեղեկացրել է, որ հայտարարվել է նոր տենդեր՝ Փշավելի–Աբանո–Օմալո ճանապարհի 21,5-25,5 կմ հատվածի վերանորոգման համար, որի արժեքը կազմում է 20,4 միլիոն լարի (մոտ $7,5 միլիոն)։

Թուշեթի տանող ճանապարհային նախագիծը բաժանված է ութ հատվածի, որոնցից յոթի համար արդեն ստորագրված են պայմանագրեր՝ ճանապարհային երթևեկության պայմանները բարելավելու նպատակով։

Փշավելի–Օմալո ճանապարհը Թուշեթի հասնելու միակ ուղին է, և դրա բարդ լեռնային ռելիեֆի ու եղանակային պայմանների պատճառով այն բաց է տարվա ընթացքում միայն 4–5 ամիս։