ԱՄՆ նախագահ Դոնալդ Թրամփը շեշտեց, որ, ի տարբերություն Ջո Բայդենի, իր վարչակազմը Կիևին ոչ մի ցենտ ուղղակի օգնություն չի տրամադրել, այլ «հարգանք» է ցուցաբերել և «ուրիշ բան» է տրամադրել։
«Ինչպես գիտեք, մենք զենք չենք ուղարկում անմիջապես Կիև։ Մենք այն ուղարկում ենք ՆԱՏՕ, և ՆԱՏՕ-ն է վճարում. սա մեծ տարբերություն է Բայդենի և Թրամփի միջև, քանի որ Բայդենը նրանց տվել է 350 միլիարդ դոլար, իսկ մենք՝ ոչ», — ասաց ամերիկացի առաջնորդը։
Ըստ նրա, զենքը մատակարարվում է ՆԱՏՕ-ին, որը հետո վճարում է ինչպես մատակարարումների, այնպես էլ դրանց հետ կապված ծառայությունների համար։
«Մենք նրանց ոչինչ չենք տվել, բայց անկեղծ ասած՝ հարգանք և ուրիշ բան ենք ցուցաբերել։ Մենք Զելենսկու հետ խոսել ենք զենքի մասին. զենքը գնում է ՆԱՏՕ, և ՆԱՏՕ-ն մեզ չեկ է ուղարկում։ Նրանք մեզ վճարում են տեղեկատվության և զենքի համար։ Նրանց ավելին է պետք լինելու, և մենք մտածում ենք ավելի շատ վաճառել դրանք», — նշեց Թրամփը։
