«Ֆինոպոլիս-2025» ֆորումի ընթացքում կայացած առանձին պլենար նիստում քննարկվել է Ռուսաստանի կրիպտոարժույթների շուկայի ապագա կարգավորումը։
Ռուսաստանի Կենտրոնական բանկը նախատեսում է, որ համապատասխան օրենսդրությունը կընդունվի 2026 թվականին։ Սկզբնական փուլում կրիպտոարժույթներով օրինական ձևով կկարողանան գործել միայն հատուկ որակավորում ունեցող ներդրողները, իսկ մյուս քաղաքացիները փաստացի կմնան ոչ լեգալ միջավայրում։
Կարգավորման երկրորդ փուլով նախատեսվում է պատասխանատվություն սահմանել կրիպտոակտիվների անօրինական շրջանառության համար, որը տեղի կունենա վերահսկող մարմինների շրջանակներից դուրս։
Միաժամանակ, բանկային ոլորտի ներկայացուցիչները կոչ են անում իշխանություններին հաշվի առնել այն միլիոնավոր ռուսների շահերը, ովքեր արդեն օգտագործում են կրիպտոարժույթներ, և չբաժանել ներդրողներին տարբեր կարգավիճակների։
Մասնագետների կարծիքով՝ այս փոփոխությունները կարող են էապես փոխել ռուսական կրիպտոշուկայի կառուցվածքը՝ սահմանափակելով անհատ օգտագործողներին և ուժեղացնելով պետական վերահսկողությունը ֆինանսական հոսքերի նկատմամբ։
Բաժանորդագրվեք մեր ալիքին Telegram-ում
