Իրանի արտաքին գործերի նախարարությունը ՄԱԿ-ի Անվտանգության խորհրդի չեղյալ հայտարարված բանաձևերի կատարման վերաբերյալ Թուրքիայի վերջին ծանուցումը անվանել է «անտեղի և իրավաբանորեն անվավեր», հաղորդում է Mehr լրատվական գործակալությունը։
Իրանը Թուրքիայի վերջին գործողությունները՝ ուղղված Անվտանգության խորհրդի չեղյալ հայտարարված բանաձևերի կատարմանը, համարում է «իրավաբանորեն անհիմն», երկուշաբթի օրը հայտարարել է Իրանի արտաքին գործերի նախարարության խոսնակ Էսմայիլ Բաղային։ Նա ընդգծել է, որ երեք եվրոպական երկրների՝ Ֆրանսիայի, Գերմանիայի և Մեծ Բրիտանիայի կողմից պատժամիջոցների վերականգնումը «իրավական հիմք չունի»։ Բաղային կոչ է արել բոլոր երկրներին, մասնավորապես Իրանի հարևաններին և բարեկամ պետություններին, ձեռնպահ մնալ այնպիսի միջոցներ ձեռնարկելուց, որոնք կարող են օրինականացնել երեք եվրոպական երկրների անօրինական գործողությունները։
Խոսնակը բացատրել է, որ Թուրքիայի ծանուցման մեջ նշված կազմակերպությունները Թուրքիայում ակտիվներ կամ հաշիվներ չունեն, և նույնիսկ Ատոմային էներգիայի կազմակերպության միջազգային հարաբերությունների գծով տեղակալը հստակորեն հայտարարել է, որ ձերբակալություններ չեն իրականացվել։
Բաժանորդագրվեք մեր ալիքին Telegram-ում
