Եվրոպան քվեարկում է, Հունգարիան բողոքում է, Թրամփը հասկանում է

Եվրոպական հանձնաժողովը առաջարկել է Ռուսաստանի դեմ նոր պատժամիջոցներ կիրառել ԵՄ անդամ պետությունների մեծամասնությամբ՝ շրջանցելով Հունգարիային, հաղորդում է Politico-ն։

«Եվրոպական հանձնաժողովի նոր փաստաթղթում առաջարկվում է փոխել պատժամիջոցները միաձայն հաստատումից որակավորված մեծամասնության երկարաձգման կանոնները։ Սա անհրաժեշտ է Հունգարիայի կողմից գործընթացը խոչընդոտելու ռիսկը նվազեցնելու համար», — գրում է հրատարակությունը։

Եվրամիությունում երրորդ երկրների, այդ թվում՝ Ռուսաստանի դեմ պատժամիջոցների վերաբերյալ որոշումները կայացնում է ԵՄ խորհուրդը։ Հաստատման համար անհրաժեշտ է բոլոր անդամ պետությունների համաձայնությունը. նրանցից յուրաքանչյուրը կարող է վետո դնել և դադարեցնել գործընթացը։ Հունգարիան բազմիցս խոչընդոտել կամ հետաձգել է նման միջոցառումների ընդունումը՝ վկայակոչելով իր էներգետիկ կախվածությունը և Մոսկվայի հետ հարաբերությունների նկատմամբ պրագմատիկ մոտեցումը։

Նշենք, որ Հունգարիայի վարչապետ Վիկտոր Օրբանը ԱՄՆ նախագահ Դոնալդ Թրամփի հետ հեռախոսազրույցից հետո հայտարարել է, որ Բուդապեշտը մտադիր է անկախ որոշումներ կայացնել ռուսական նավթի ներմուծման վերաբերյալ՝ առաջնորդվելով հիմնականում ազգային տնտեսական շահերով։

«Մենք (ԱՄՆ-ն)պարտավոր չենք ընդունել միմյանց փաստարկները։ Մենք պարզապես պետք է հստակ քննարկենք մեր շահերը և լսենք միմյանց որպես ընկերներ, իսկ հետո մենք յուրաքանչյուրս կանենք այն, ինչ ցանկանում ենք», — ասել է Օրբանը Radio Kossuth-ին տված հարցազրույցում։

Վարչապետը նշել է, որ ռուսական էներգամատակարարումից հրաժարվելը լուրջ ազդեցություն կունենա ցամաքով շրջափակված երկրի տնտեսության վրա։ Նա գնահատել է, որ խողովակաշարային մատակարարումների ընդհատումը կհանգեցնի արտադրության 4% անկման։

Թրամփը, Սպիտակ տանը լրագրողների հետ զրույցում, հասկացողություն է հայտնել այն դժվարությունների վերաբերյալ, որոնց Հունգարիան և Սլովակիան բախվում են ռուսական նավթից հրաժարվելու հարցում։ Նա հիշեցրել է, որ այս երկրներին մատակարարումները հասանելի են միայն մեկ երթուղով (Թուրքական հոսք)։