Վիճակագրական կոմիտեն հրապարակել է ՀՀ խանութներում առկա ապրանքային պաշարների վերաբերյալ վիճակագրությունը․
Տվյալների համաձայն՝ 2025թ․ փետրվարի 1-ի դրությամբ ՀՀ խանութներում ապրանքային պաշարները կազմել են ֏299,600․2 մլն դրամ, իսկ դրանցով ապահովածությունն ըստ օրերի՝ 32 օր։
2025թ․ հուլիսի 1-ի դրությամբ ապրանքային պաշարները կազմել են ֏304,130․9 մլն, ապահովածությունն ըստ օրերի՝ 24 օր։
Դիտարկենք նաև Երևանի և ՀՀ մարզերի խանութներում ապրանքային պաշարների և դրանցով ըստ օրերի ապահովվածության վերաբերյալ տեղեկատվությունը․
Համաձայն վերոնշյալ տվյալների՝ 2025թ․ հուլիսի 1-ի դրությամբ ապրանքային պաշարները Երևանում կազմել են ֏254,238․9 մլն, ապահովածությունն ըստ օրերի՝ 27 օր։
Մարզերի պարագայում արձանագրենք, որ 2025թ․ հուլիսի 1-ի դրությամբ խանութներում ապրանքային առավելագույն պաշարներն արձանագրվել են Կոտայքի մարզում՝ ֏8,835 մլն (15 օր)։
Խանութներում նվազագույն պաշարներով առանձնանում է Վայոց ձորի մարզը՝ ֏1,732․5 մլն (22 օր)։
Հարկ է նշել, որ ՀՀ մարզերի խանութներում պաշարների ապահովվածության առավելագույն մակարդակ՝ 34 օր, դիտվել է Գեղարքունիքում, իսկ Արագածոտնի մարզում՝ նվազագույն մակարդակ՝ 11 օր։
Բաժանորդագրվեք մեր ալիքին Telegram-ում
