Ռուսաստանում բենզինի գները տարվա սկզբից աճել են 7.2%-ով. ինչ փոփոխություններ են արձանագրվել բենզինի շուկայում

«Կոմերսանտ»-ի տվյալներով՝ բենզինի միջին արժեքը տարվա սկզբից աճել է 7,2%-ով՝ գերազանցելով ընդհանուր գնաճը ավելի քան մեկուկես անգամ։

Սեպտեմբերի 5-ի դրությամբ՝

• АИ-92 տեսակի բենզինի մանրածախ գինը կազմել է 60,1 ռուբլի մեկ լիտրի համար,

• АИ-95 տեսակի բենզինի գինը՝ 64,7 ռուբլի մեկ լիտրի համար։

Սա օգոստոսի 1-ի համեմատ 2,7%-ով բարձր է։

2024-ի օգոստոսի 2-ի համեմատ՝

• АИ-92-ի գները աճել են 10%-ով,

• АИ-95-ի գները՝ 9,5%-ով։

2025-ի հունվարից մինչև սեպտեմբեր բենզինի արժեքը աճել է 7,21%-ով, մինչդեռ ընդհանուր գնաճը կազմել է 4,03%։

Նշվում է, որ բորսայական գները օգոստոսին աճել են ավելի արագ, սակայն մանրածախ գները մասամբ զսպվել են Ռուսաստանի հակամենաշնորհային ծառայության (ФАС) միջամտությամբ։