Ամերիկացի միլիարդատեր Էլոն Մասկը, Լոնդոնում աջակողմյան ակտիվիստ Թոմի Ռոբինսոնի կողմնակիցների հանրահավաքի ժամանակ առցանց ելույթում կոչ է արել լուծարել Մեծ Բրիտանիայի խորհրդարանը և անցկացնել վաղաժամկետ ընտրություններ: Այս մասին հաղորդում է The Guardian-ը:
«Մենք ևս չորս տարի չունենք, կամ որքան էլ որ երկար ժամանակ մնա մինչև հաջորդ ընտրությունները: Դա չափազանց երկար է: Պետք է ինչ-որ բան անել: Մենք պետք է լուծարենք խորհրդարանը և անցկացնենք նոր քվեարկություն», — ասել է ձեռնարկատերը:
Մասկը նշել է, որ Մեծ Բրիտանիան բախվում է անվերահսկելի միգրացիայի, չափազանց բյուրոկրատիայի և խոսքի ազատության սահմանափակումների խնդիրների, ուստի երկիրը կարիք ունի լայնածավալ կառավարության բարեփոխումների:
Բաժանորդագրվեք մեր ալիքին Telegram-ում
