Մոսկվայի օդանավակայաններում 50 չվերթ հետաձգվել կամ չեղարկվել է

Սեպտեմբերի 12-ի գիշերը Մոսկվայում ընդհանուր առմամբ 50 ավիաչվերթ հետաձգվել կամ չեղարկվել է՝ ըստ մայրաքաղաքի օդանավակայանների առցանց տաբլոյի տվյալների։

25 չվերթ չեղարկվել է, ևս 25-ը՝ հետաձգվել։ Միջին ուշացումը կազմել է մոտ երկու ժամ։ Չեղարկված չվերթների մեծ մասը նախատեսված էր Սանկտ Պետերբուրգի ուղղությամբ կամ պետք է այնտեղից ժամաներ մայրաքաղաք։

• Վնուկովո օդանավակայանում չեղարկվել է 11 չվերթ, 6-ը՝ հետաձգվել։

• Շերեմետևոում հետաձգվել է 17 չվերթ, 11-ը՝ չեղարկվել։

• Դոմոդեդովոյում չեղարկվել է 2 չվերթ։

• Ժուկովսկիում 2 չվերթ հետաձգվել է, 1-ը՝ չեղարկվել։

Ավելի վաղ «Աէրոֆլոտ» և «Ռոսիա» ավիաընկերությունները հայտնել էին, որ Պուլկովոյի օդանավակայանում և Լենինգրադի մարզի մի քանի շրջաններում օդային տարածքի ժամանակավոր սահմանափակումների պատճառով ստիպված են եղել փոխել չվերթների ժամանակացույցը։