Կրիպտոարժույթի բորսա Coinbase-ը պահանջել է դաշնային դատարանից հետաքննել ԱՄՆ Արժեթղթերի և բորսաների հանձնաժողովի (SEC) գործողությունները՝ նշելով, որ հանձնաժողովը ջնջել է նախկին ղեկավար Գերի Գենսլերի մեկ տարվա նամակագրությունը։
Խոսքը վերաբերում է 2022 թ. հոկտեմբերից մինչև 2023 թ. սեպտեմբեր ընկած ժամանակահատվածին․ հենց այդ ընթացքում SEC-ը բազմամիլիոնանոց հայցեր էր ներկայացրել խոշոր կրիպտո բորսաների դեմ և տեղի էր ունեցել FTX-ի փլուզումն ու ամբողջ կրիպտոշուկայի անկումը։
Պաշտոնական տվյալներով՝ 2023 թ. սեպտեմբերին SEC-ի ՏՏ բաժինը Գենսլերի ծառայողական սմարթֆոնը վերականգնել է գործարանային կարգավորումներին, ինչի հետևանքով անդառնալիորեն ջնջվել է ամբողջ նամակագրությունը։ Սա տեղի է ունեցել չնայած նրան, որ արդեն գործում էին տեղեկությունների բացահայտման հարցումները՝ Ազատ տեղեկատվության մասին օրենքի (FOIA) շրջանակում։
Coinbase-ի գլխավոր իրավաբան Փոլ Գրևալը միջադեպը որակել է որպես «հասարակական վստահության կոպիտ խախտում»։ Ընկերությունը պահանջում է արագացված քննություն, մնացած հաղորդագրությունների տրամադրում և հնարավոր պատժամիջոցներ SEC-ի նկատմամբ։
Բաժանորդագրվեք մեր ալիքին Telegram-ում
