Եվրամիությունը մտադիր է ավելի ակտիվորեն համակարգել պատժամիջոցների քաղաքականությունը Միացյալ Նահանգների հետ: Այդ նպատակով ԵՄ պատվիրակությունը շուտով կմեկնի Վաշինգտոն՝ ամերիկացի գործընկերների հետ համատեղ Ռուսաստանի դեմ նոր սահմանափակումներ նախապատրաստելու համար:
Այս մասին հայտարարել է Եվրոպական խորհրդի նախագահ Անտոնիո Կոստան՝ Ուժգորոդում Ուկրաինայի նախագահ Վլադիմիր Զելենսկու հետ համատեղ մամուլի ասուլիսում:
Կոստայի խոսքով՝ Բրյուսելն արդեն սկսել է պատժամիջոցների հաջորդ փաթեթի պատրաստումը, և Միացյալ Նահանգների հետ համատեղ աշխատանքը թույլ կտա «մեծացնել ճնշումը Ռուսաստանի վրա»:
«Մենք աշխատում ենք Միացյալ Նահանգների և այլ գործընկերների հետ՝ մեր ճնշումը մեծացնելու համար՝ հետագա պատժամիջոցների միջոցով, թե՛ ուղղակի, թե՛ երկրորդական: Եվրոպական թիմը մեկնում է Վաշինգտոն՝ մեր ամերիկացի ընկերների հետ գործողությունները համակարգելու համար», — ընդգծեց նա:
Եվրոպական խորհրդի նախագահը նաև հայտարարեց, որ Եվրամիությունը և Ուկրաինան աշխատում են ընդհանուր ապագայի ուղղությամբ. «Ուկրաինայի անդամակցությունը Եվրամիությանը ոչ միայն անվտանգության լավագույն երաշխիքն է, այլև ուկրաինացիների համար բարգավաճման և ավելի լավ ապագայի ամենաարդյունավետ ուղին»:
Կոստան բարձր է գնահատել Կիևի կողմից իրականացվող բարեփոխումները նույնիսկ պատերազմի պայմաններում և նշել է այս ուղղությունը շարունակելու անհրաժեշտությունը։
«Մենք աջակցում ենք ձեզ այս պատերազմում, խաղաղության հասնելու ձեր ջանքերում և ԵՄ լիիրավ անդամի ձեր ապագայում», — ասել է նա։
Ավելի վաղ Bild-ը հայտնել էր, որ ԱՄՆ նախագահ Դոնալդ Թրամփը Փարիզում «կամավորների կոալիցիայի» հանդիպումից հետո հեռախոսազրույց է ունեցել եվրոպացի առաջնորդների հետ։ Նա մեղադրել է ԵՄ երկրներին ռուսական նավթ գնելու մեջ։
Ինչպես նշել է The Wall Street Journal-ը, չնայած Բրյուսելի հետ համակարգման վերաբերյալ պայմանավորվածություններին, Թրամփը դեռևս կոնկրետ պարտավորություններ չի ստանձնել Ռուսաստանի դեմ նոր պատժամիջոցներ կիրառելու համար։
Բաժանորդագրվեք մեր ալիքին Telegram-ում
