Հունգարիայի արտաքին գործերի և առևտրի նախարար Պետեր Սիյարտոն ասել է, որ իր երկիրը չի կարող հրաժարվել ռուսական նավթից, քանի որ «այլ ընտրություն չունի»։
«Հունգարիան բացահայտորեն գնում է ռուսական նավթ, քանի որ այլ ընտրություն չունի, մինչդեռ մյուս եվրոպական երկրները գաղտնի գնում են ռուսական նավթ շրջանցիկ ձևով, քանի որ այն ավելի էժան է», — ասել է Սիյարտոն, հաղորդում է «Ինտերֆաքս-Ուկրաինա»-ն։
Հունգարացի նախարարին հարցրել են ԱՄՆ նախագահ Դոնալդ Թրամփի վերջին հայտարարության մասին, որը կոչ էր արել եվրոպական երկրներին դադարեցնել ռուսական նավթ գնելը։
«Եկեք չխաբվենք կեղծավորների կողմից, քանի որ նրանց զգալի մասը, ովքեր Հունգարիայի և Սլովակիայի նավթ գնելու համար ամենաաղմկոտ քննադատներն են, նույնպես գնում են ռուսական նավթ, միայն անուղղակիորեն, որոշակի ասիական երկրների միջոցով», — ասել է Սիյարտոն։
«Եվ այն փաստը, որ Հունգարիան համագործակցում է Ռուսաստանի հետ էներգետիկ անվտանգության հարցերում, մեծապես պայմանավորված է նրանով, որ ԵՄ-ն մերժեց Հարավարևելյան Եվրոպայում գազատարների թողունակությունը մեծացնելու հարցում օգնության մեր խնդրանքը: Եվ մեզ տանող այլընտրանքային գազատարի թողունակությունը մեծացնելու փոխարեն, Խորվաթիան հինգ անգամ բարձրացրեց փոխադրման տարանցիկ վճարը՝ համեմատած եվրոպական չափանիշի հետ», — հավելեց Սիյարտոն։
Եվրահանձնաժողովը այս գարնանը ներկայացրեց «ճանապարհային քարտեզ»՝ մինչև 2027 թվականի վերջը ռուսական գազի ներմուծման լիակատար դադարեցման, ինչպես նաև ռուսական նավթի ներմուծման նվազագույնի հասցնելու համար: Հունգարիան և Սլովակիան դեմ են դրան։
Բաժանորդագրվեք մեր ալիքին Telegram-ում
