Եվրամիության նախագահող Դանիան առաջարկել է գազի ներմուծողների համար պարտադիր պահանջ մտցնել իրենց ծագման երկիրը հաստատելու համար: Նախաձեռնությունը նպատակ ունի բացառել Ռուսաստանի մասնակցությունը ԵՄ-ին էներգամատակարարմանը: Այս մասին հաղորդում է Bloomberg-ը՝ հղում անելով համապատասխան փաստաթղթին:
«Ենթադրվում է, որ Ռուսաստանի կամ Բելառուսի հետ սահմաններով կամ անցակետերով, ինչպես նաև «Թուրքական հոսք» գազատարով Եվրամիություն մտնող բնական գազը ուղղակիորեն կամ անուղղակիորեն արտահանվում է Ռուսաստանի Դաշնությունից, եթե հակառակը հաստատող հստակ ապացույցներ չեն ներկայացվում», — ասվում է Bloomberg-ին հասանելի առաջարկության տեքստում:
Նշվում է, որ այս նախաձեռնության միջոցով ԵՄ-ն մտադիր է բացառել ռուսական ծագում ունեցող գազի մուտքը ներքին շուկա՝ մինչև 2027 թվականի վերջը Ռուսաստանի Դաշնությունից խողովակաշարային գազի և հեղուկացված բնական գազի գնման հնարավոր լիակատար արգելքից հետո:
Եվրոստատի տվյալներով՝ 2025 թվականի առաջին կեսին Եվրամիությունը ռուսական խողովակաշարային գազ է գնել 2.9 միլիարդ եվրոյով, իսկ հեղուկացված բնական գազ (ՀԲԳ)՝ 4.5 միլիարդ եվրոյով: Հունվար-հունիս ամիսներին ԵՄ-ի կողմից ռուսական գազի գնումների ընդհանուր ծավալը աճել է 9%-ով՝ կազմելով 7.4 միլիարդ եվրո։
Բաժանորդագրվեք մեր ալիքին Telegram-ում
