Կապի օպերատորները սկսել են տրամադրել անսահմանափակ հասանելիություն MAX մեսենջերին

Կապի «մեծ քառյակի» օպերատորները՝ «Բիլայն», MTS, «ՄեգաՖոն» և T2, սկսել են իրենց բաժանորդներին տրամադրել անսահմանափակ մուտք նոր MAX մեսենջերին, տեղեկացնում է ՌԴ թվայնացման նախարարությունը։

Սպասարկումը հասանելի է նրանց, ովքեր օգտվում են մեսենջերների համար նախատեսված անսահմանափակ ինտերնետային փաթեթներից։ Այժմ բաժանորդները կարող են անվճար ուղարկել հաղորդագրություններ, կատարել զանգեր և օգտվել հավելվածի մյուս հնարավորություններից՝ առանց հիմնական ինտերնետ փաթեթի ծախսման և լրացուցիչ վճարների։

📌 MAX մեսենջերի մասին

• Բետա-տարբերակը ներկայացվել է 2025թ․ մարտին։

• Սեպտեմբերի 1-ից մեսենջերը պարտադիր կտեղադրվի բոլոր սարքերում։

• Պաշտոնական թողարկումը նախատեսված է աշնանը։

• Նախագիծը զարգացնում է VK ընկերությունը՝ Թվայնացման նախարարության աջակցությամբ։

Մեսենջերը նախատեսված է ոչ միայն հաղորդագրությունների փոխանակման, այլև պետական կառույցների հետ առցանց փոխգործակցության համար։ Օգոստոսին հայտնի դարձավ, որ հավելվածում ինտեգրվել է «Գոսքլյուչ» շարժական էլեկտրոնային ստորագրության տեխնոլոգիան։