Խաղալիքներ արտադրող Pop Mart ընկերության հիմնադիր և գլխավոր տնօրեն Վան Նինը, որը թողարկում է Լաբուբու տիկնիկները, ընդգրկվել է Bloomberg Billionaires Index-ի աշխարհի 100 ամենահարուստ մարդկանց շարքում։
Նինը զբաղեցրել է 85-րդ հորիզոնականը՝ 26,5 միլիարդ դոլար կարողությամբ։ 2025 թվականի սկզբից նրա կապիտալն աճել է 18,8 միլիարդ դոլարով։
Լաբուբուն փոքրիկ գունավոր մոնստրիկ-ֆիգուրներ են, որոնք մեծ տարածում են գտել տարբեր երկրներում՝ թե՛ երեխաների, թե՛ մեծահասակների շրջանում։ Հատուկ հետաքրքրություն է առաջացրել վաճառքի ձևաչափը․ գնորդը չի իմանում, թե կոնկրետ որ խաղալիքն է իր բաժին ընկել, մինչև չբացի տուփը։
Bloomberg-ի վարկանիշի առաջատար եռյակում են՝
-
Իլոն Մասքը (1-ին տեղ),
-
Լարի Էլիսոնը՝ Oracle-ի տնօրենների խորհրդի նախագահ և տեխնիկական տնօրեն (2-րդ տեղ),
-
Մարկ Ցուկերբերգը՝ Meta-ի համահիմնադիր (3-րդ տեղ)։
Այս տարվա հուլիսին Pop Mart-ը կապիտալիզացիայով առաջ անցավ ռուսական «Գազպրոմ»-ից։ Հոնկոնգում հուլիսի 22-ի առևտրային արդյունքներով ընկերության կապիտալիզացիան կազմել է 332,84 միլիարդ հոնկոնգյան դոլար ($42,4 միլիարդ կամ ₽3,32 տրլն)։ Համեմատության համար՝ «Գազպրոմ»-ի կապիտալիզացիան այդ պահին եղել է ₽3,049 տրլն, իսկ ՆՈՎԱՏԷԿ-ինը՝ ₽3,29 տրլն։ Ռուսական ընկերություններից Pop Mart-ից բարձր են գնահատվում միայն Սբերբանկը, Ռոսնեֆտը և ԼՈւԿՈՅԼ-ը։
Բաժանորդագրվեք մեր ալիքին Telegram-ում
