Մոսկվան և Բաքուն համաձայնության են եկել նպաստել Կասպից ծովում զբոսաշրջային նավագնացության մեկնարկին և տարածաշրջանում զբոսաշրջության զարգացմանը։
Այս մասին հայտարարել է Ռուսաստանի փոխվարչապետ Ալեքսեյ Օվերչուկը Ռուսաստանի և Ադրբեջանի միջկառավարական հանձնաժողովի նիստի ժամանակ։
«Մենք լավ հեռանկարներ ենք տեսնում Կասպից ծովում զբոսաշրջային ծառայությունների մեկնարկի համար՝ զբոսաշրջիկների կողմից Կասպից ծովի պետությունների նավահանգիստներ այցելելու հնարավորությամբ՝ Ռուսաստանի դրոշի ներքո ուղևորատար նավերի մասնակցությամբ, և մենք համաձայնության ենք եկել նպաստել զբոսաշրջային նավագնացության զարգացմանը և Կասպից ծովի տարածաշրջանում զբոսաշրջության զարգացմանը», — ասել է նա։
