Ռուսաստանի բնական գազի մատակարարումը Հայաստան վերսկսվել է Վրաստանի տարածքով անցնող տարանցիկ գազատարի վրա արտակարգ վերականգնողական աշխատանքների ավարտից հետո: Այս մասին հայտնել է «Գազպրոմ Արմենիա»-ն:
«Օգոստոսի 23-ին, ժամը 06:00-ին, վերսկսվել է բնական գազի մատակարարումը Հայաստան», — ասվում է հայտարարության մեջ:
Օգոստոսի 22-ին ընկերությունը հայտնել է, որ Կրասնի Մոստ — Սևքար — Բերդ մայրուղային գազատարի վրա վերանորոգման աշխատանքներ կատարելու անհրաժեշտության պատճառով, Ռուսաստանից Հայաստան գազի մատակարարումը ժամանակավորապես դադարեցվել է օգոստոսի 22-ի ժամը 06:00-ից մինչև օգոստոսի 23-ի ժամը 06:00-ն:
Սպառողների գազամատակարարումն ապահովվել է ներքին պաշարների և Իրանից բնական գազի մատակարարման լրացուցիչ ծավալների հաշվին:
Բաժանորդագրվեք մեր ալիքին Telegram-ում
