Telegram-ում և WhatsApp-ում ձայնային տրաֆիկի մասնակի սահմանափակումը հանգեցրել է մեսենջերներում խաբեության կտրուկ կրճատման: Այս մասին «Коммерсант»-ին հայտնել են բանկերն ու կապի օպերատորները։ Սահմանափակումների ներդրումից մեկ շաբաթ անց մեսենջերների միջոցով կատարվող հեռախոսային խաբեության դեպքերը նվազել են 40 տոկոսով։ Տելեգրամի միջոցով խաբեության փորձերի թիվը կրճատվել է 70 տոկոսով, տեղեկացրել են T-Բանկից։ Նման տվյալներ է ներկայացրել նաև «Beeline»-ը։ Միևնույն ժամանակ օտար երկրներից եկող զանգերի միջոցով խաբեության ծավալը աճել է 83 տոկոսով, նշել է օպերատորը։ «Сбер»-ում արձանագրել են երեք անգամ նվազում մեսենջերներում կատարվող խաբեության զանգերում և գրեթե կրկնակի աճ միջազգային համարներից եկող զանգերի քանակում բջջային կապի միջոցով։
Նման իրավիճակ կտրուկ կրճատված հեռախոսային հարձակումներով դիտվել էր նաև 2022 թվականին՝ այն բանից հետո, երբ Ռուսաստանը անջատվեց SWIFT միջազգային համակարգից։ Սակայն կարճ ժամանակ անց խաբեության դեպքերը կրկին աճեցին։
Հանցագործները չկարողացան արագորեն հարմարվել Telegram-ում և WhatsApp-ում զանգերի արգելափակմանը, կարծում է «Բաստիոն» ընկերության սոցիալ-տեխնիկական փորձարկման խմբի մասնագետ Մարիա Սերգեևան։ Նրա խոսքով՝ ժամանակավորապես հանցագործները կենտրոնացել են ավանդական հեռախոսակապի վրա։ Բացի այդ, արձանագրվել են խաբեության փորձեր նաև նոր տեղական MAX մեսենջերում։
Այդ մեսենջերում խաբեության նման մակարդակ թույլ չտալու համար MAX-ը պետք է սերտորեն համագործակցի կապի օպերատորների և բանկերի հետ և արագորեն ներդնի ժամանակակից միջոցներ խաբեբաների դեմ պայքարի համար, համոզված է T-Բանկի էկոհամակարգային պաշտպանության կենտրոնի ղեկավար Օլեգ Զամիրալովը։
Բաժանորդագրվեք մեր ալիքին Telegram-ում
