Նավթի մատակարարումները Սլովակիա Դրուժբա խողովակաշարով ժամանակավորապես դադարեցվել են: Այս մասին երկուշաբթի օրը հայտնել է Transpetrol խողովակաշարային համակարգի օպերատորը:
«Transpetrol-ը տեղեկացնում է Դրուժբա խողովակաշարով Սլովակիա նավթի մատակարարումների դադարեցման մասին: Մեր ընկերությունը որևէ լրացուցիչ տեղեկատվություն չունի Սլովակիայի Հանրապետության տարածքից դուրս տեղի ունեցած դադարեցման պատճառի մասին: Սլովակիայի տարածքով նավթի փոխադրումն ապահովված է և իրականացվում է մղման պլանի համաձայն», — ասվում է ընկերության էլեկտրոնային փոստով ուղարկված հայտարարության մեջ:
Ավելի վաղ Հունգարիայի արտաքին գործերի նախարար Պետեր Սիյարտոն հայտարարել էր, որ ռուսական նավթի մատակարարումները իր երկիր նույնպես դադարեցվել են: Նրա խոսքով՝ պատճառը Ուկրաինայի կողմից նավթատարի գործունեությունը ապահովող տրանսֆորմատորային ենթակայանի վրա հարձակումն էր:
Բաժանորդագրվեք մեր ալիքին Telegram-ում
