Եվրոպացիները նավթ են ներմուծում Աֆրիկայից

Եվրոստատի տվյալների համաձայն՝ Եվրամիություն (ԵՄ) նավթի ներմուծումը հունիսին նվազել է մոտ 10%-ով՝ հասնելով դիտարկման ողջ ժամանակահատվածի համար ռեկորդային ցածր մակարդակի։

Հունիսի վերջին միության անդամ չհանդիսացող երկրներից ԵՄ նավթի մատակարարումների ծավալը կազմել է մոտ 236 միլիոն բարել, ինչը 11%-ով պակաս է մայիսից և 9%-ով ցածր՝ նախորդ տարվա մակարդակից։ Այս ցուցանիշները դիտարկման ողջ ժամանակահատվածի համար ամենացածրն էին։

Դրամական առումով նավթի ներմուծումը հունիսին հասել է 15.3 միլիարդ եվրոյի՝ մայիսի համեմատ նվազելով 8%-ով, իսկ տարեկան առումով՝ 27%-ով՝ հասնելով վերջին չորս տարիների ամենացածր մակարդակին։

Տվյալների համաձայն՝ ԵՄ երկրների շարքում նավթի ամենամեծ ներմուծողներն են եղել Գերմանիան (32.2 միլիոն բարել), Իտալիան (29.4 միլիոն), Իսպանիան (28.2 միլիոն), Ֆրանսիան (25.5 միլիոն) և Լեհաստանը (13 միլիոն բարել)։ Տարվա ընթացքում իր գնումները ամենաշատը ավելացրել է Իռլանդիան՝ գրեթե զրոյական ծավալներից մինչև 1.8 միլիոն բարել։ Սլովակիան նույնպես զգալի աճ է գրանցել՝ 3.3 անգամ (մինչև 3.1 միլիոն), Չեխիան՝ 2.2 անգամ (մինչև 4.8 միլիոն), Պորտուգալիան՝ 1.6 անգամ (մինչև 6.2 միլիոն) և Իտալիան՝ 18%-ով (մինչև 29.4 միլիոն բարել)։

Մատակարար երկրներից հունիսին ԵՄ նավթի ամենամեծ ծավալները արտահանվել են Անգոլայից (3.3 միլիոն բարել), Չադից (2.6 միլիոն), Կանադայից (2.4 միլիոն), Եգիպտոսից (2.2 միլիոն) և Սենեգալից (1.9 միլիոն)։

Ընդհանուր առմամբ, 2025 թվականի առաջին կեսին Եվրամիությունը ներմուծել է մոտ 1.5 միլիարդ բարել նավթ, ինչը 7%-ով պակաս է նախորդ տարվա նույն ժամանակահատվածի համեմատ։