Վրացի գյուղացիներին կօգնեն ոչ ստանդարտ խնձորներ վաճառել

Վրաստանի կառավարության որոշման համաձայն՝ ոչ ստանդարտ խնձորների վաճառքին նպաստելուն ուղղված պետական ծրագիրը Վրաստանում կշարունակվի 2025 թվականին։

Խնձորը, դեղձի, խաղողի և մանդարինի հետ միասին, վրացական գյուղատնտեսական արտադրանքի հիմնական արտահանման ապրանքներից մեկն է։ Գյուղացիներից բերքը կընդունվի սեպտեմբերի սկզբից։
Պետական ծրագրի շրջանակներում այն մրգերի վերամշակման ձեռնարկությունները, որոնք մինչև 2025 թվականի դեկտեմբերի 15-ը գյուղացիներից կգնեն ոչ ստանդարտ խնձոր՝ կիլոգրամի համար առնվազն 0.27 լարի գնով, կստանան 0.1 լարի սուբսիդիա մեկ կիլոգրամի համար։

Ծրագրի անխափան իրականացումն ապահովելու համար կստեղծվի հատուկ աշխատանքային խումբ՝ խնձորները տեղում հանձնելու գործընթացը համակարգելու համար։

Ծրագրում ներգրավված մրգերի վերամշակման ձեռնարկությունները պարտավոր են էլեկտրոնային եղանակով գրանցվել համակարգող շտաբում։ Վրաստանում ոչ ստանդարտ խնձորների վաճառքի խթանման ծրագիրը ներդրվում է 2020 թվականից։ Այն թույլ է տալիս գյուղացիներին ցածրորակ խնձորներ վաճառել մատչելի գնով։ Միաժամանակ, այն օգնում է մրգերի վերամշակման ձեռնարկություններին ապահովել հումքով։ Ոչ ստանդարտ խնձորների վերամշակումից ստացված խտանյութը հիմնականում արտահանվում է ԵՄ շուկաներ։