Ռուսական նավթային ընկերությունները մեծացնում են Urals նավթի զեղչերը, այն բանից հետո, երբ ԱՄՆ նախագահ Դոնալդ Թրամփը Հնդկաստանի նկատմամբ սահմանեց 25% մաքսատուրք և սպառնաց դրանք բարձրացնել մինչև 50%՝ Նյու Դելիի և Մոսկվայի էներգետիկ համագործակցության շնորհիվ։
Argus-ի տվյալներով՝ օգոստոսի 14-ի դրությամբ Բալթիկ ծովի Պրիմորսկ նավահանգստում Urals-ի զեղչը Հյուսիսային ծովի Brent տեսակի նավթի համար հասել է 12.16 դոլարի մեկ բարելի համար։ Հուլիսի վերջին զեղչը կազմել է 11.96 դոլար մեկ բարելի համար FOB պայմաններով։
Հնդկաստանի նավահանգիստներում (հաշվի առնելով տրանսպորտային ծախսերը) Urals-ի զեղչը 2.04 դոլարից աճել է մինչև 2.61 դոլար մեկ բարելի համար։ Չինաստանի համար, որը գնում է Հեռավոր Արևելքի ESPO տեսակը, Կոզմինո նավահանգստում զեղչերը Դուբայի տեսակից աճել են 3.75 դոլարից մինչև 4.81 դոլար մեկ բարելի համար։
Զեղչերի ավելացումից հետո հնդկական վերամշակման գործարանները, որոնք օրական գնում են մոտ 2 միլիոն բարել Urals, կրկին սկսել են հետաքրքրություն ցուցաբերել ռուսական նավթի նկատմամբ, որի ներմուծումը կասեցվել էր ԱՄՆ մաքսատուրքերի պատճառով։ Ինչպես «Ռոյթերս»-ին հայտնել են իրավիճակին ծանոթ երեք աղբյուրներ, պետական «Ինդիանս Օիլ», «Հինդուստան Փեթրոլիում» և «Բհարատ Փեթրոլիում» ընկերությունները առևտրային ընկերություններին «Ուրալս» գնելու խնդրանքներ են ուղարկել։
«Ֆրիդոմ Ֆայնանս Գլոբալ»-ի առաջատար վերլուծաբան Նատալյա Միլչակովան զգուշացնում է, որ Հնդկաստանի համար գնի իջեցումը կհանգեցնի դաշնային բյուջեի եկամուտների նվազմանը։ Նրա հաշվարկներով՝ «Բրենթ» նավթի ներկայիս գնի (մոտ 66 դոլար մեկ բարելի համար) դեպքում ռուսական «Ուրալս»-ը վաճառվում է 54-55 դոլարով՝ հուլիսի միջին 60 դոլարի դիմաց։
Բաժանորդագրվեք մեր ալիքին Telegram-ում
