Հայաստանի տնտեսության շարժիչ ուժերից մեկն է ձեռնարկատիրությունը, որի օգնությամբ հնարավոր է ապահովել երկրի բարեկեցության կայուն մակարդակ։
Ձեռներեցությամբ զբաղվելը ենթադրում է որոշակի ռիսկեր ու խնդիրներ, առանց որոնց անհնար է կյանքի կոչել սեփական նախաձեռնությունները։
Հայաստանում ձեռներեցությամբ զբաղվում են հազարավոր մարդիկ՝ գործելով տնտեսության տարբեր ոլորտներում։ Դիտարկենք ՀՀ-ում գործունեություն ծավալող ընկերությունների կազմակերպաիրավական ձևերին. դրանով պայմանավորված` ընկերությունն իրականացնում է իր գործունեությունը համապատասխան հարկային ռեժիմում։
Այսպիսով, Արդարադատության նախարարության իրավաբանական անձանց պետական ռեգիստրի գործակալության համաձայն՝ 2025թ․ հուլիսին ՀՀ-ում պետական գրանցումների վերաբերյալ առկա է հետևյալ վիճակագրությունը․
Ինչպես նախորդ ամիսների պարագայում, այնպես էլ 2025թ․ հուլիսին, Հայաստանում ամենաշատ գրանցումները պատկանում են անհատ ձեռնարկատերերին՝ 2,045 միավոր, երկրորդ տեղում են ՍՊԸ-ները՝ 827 միավոր, և երրորդ տեղում ՝Հասարակական կազմակերպությունները՝ 32 միավոր։
Նկատենք, որ 2025թ․ հուլիսին 2024թ․ հուլիսի համեմատ անհատ ձեռնարկատերերի գրանցումների թվաքանակը կրճատվել է մոտ 4%-ով, իսկ ՍՊԸ գրանցումների թվաքանակն աճել է 30%-ով։ 2025թ․ հուլիսին 2024թ․ հուլիսի համեմատ հասարակական կազմակերպությունների գրանցումների թվաքանակն աճել է 10%-ով։ ՓԲԸ-ների գրանցումները 2025թ․ հուլիսին նախորդ տարվա նույն ամսվա համեմատ կրճատվել են 22%-ով։
Աշխարհով մեկ` ԱրարատԲանկի Mastercard World Travel քարտով
Վերոգրյալ անկումների և աճերի պատճառները պայմանավորված են կազմակերպաիրավական տեսակից, որին համապատասխան` հաշվվում են հիմնադրման ծախսերը, հետագայում պետբյուջե կատարվող մուծումները, հաշվապահության վարումը, առկա ֆինանսական հնարավորությունները և այլն։
Բաժանորդագրվեք մեր ալիքին Telegram-ում
