Կրիպտոարժութային ընկերություն Bit Digital-ը (թիքեր՝ BTBT) երկարատև վնասներից հետո առաջին անգամ գրանցել է զուտ շահույթ՝ 14,9 մլն դոլար 2025 թվականի երկրորդ եռամսյակում։ Համեմատության համար՝ մեկ տարի առաջ ընկերությունը ունեցել էր 12 մլն դոլարի կորուստ։ Այս ֆինանսական շրջադարձը տեղի է ունեցել բիթքոինի մայնինգից հրաժարվելու և Ethereum-ի պահուստների կառավարման ու ստեյքինգի ռազմավարության անցնելու շնորհիվ։
Եռամսյակի ընթացքում ընկերության եկամուտը տարեկան կտրվածքով նվազել է 11,7%-ով և կազմել 25,7 մլն դոլար։ Բիթքոինի մայնինգից եկամուտը նվազել է մոտ 60%-ով՝ անցած տարվա հալվինգի և բարդության աճի հետևանքով։ Bit Digital-ը սկսել է դուրս բերել սարքավորումները և միջոցներն ուղղել ETH-ում ներդրումներին։
Ընկերությունում հայտնել են, որ երկրորդ եռամսյակը դարձել է «ընկերության վերափոխման մեկնարկային կետ՝ ուղղված Ethereum-ի պահուստների կառավարմանը և ստեյքինգին»։
Եռամսյակում Bit Digital-ը ստեյքինգից ստացել է 166,8 ETH, իսկ օգոստոսի 11-ի դրությամբ իր պահուստները հասցրել է մինչև 105 հազար ETH։ Ընկերությունը նպատակ ունի դառնալ հանրային ընկերությունների մեջ ամենամեծ Ethereum պահուստներից մեկը։
Բաժանորդագրվեք մեր ալիքին Telegram-ում
