Եվրոպան կարող է բռնագրավել սառեցված ռուսական ակտիվները և փոխանցել գումարը Ուկրաինային օգնելու հիմնադրամ, հաղորդում է The Times-ը։
Այս միջոցների մեծ մասը՝ մոտ 300 միլիարդ եվրո, գտնվում է Եվրոպայում։ Մոտ 190 միլիոն եվրո պահվում է բելգիական Euroclear հաշվային կենտրոնում, իսկ մինչև 20 միլիարդ եվրո՝ դրա ֆրանսիական մրցակից Clearstream-ում։ Սա զգալիորեն գերազանցում է մոտ 2000 ռուս քաղաքացիների պատկանող 70 միլիարդ եվրոյի մասնավոր ակտիվները, որոնք սառեցվել են պատժամիջոցների կոալիցիայի կողմից։
Տեսականորեն, յուրաքանչյուր երկիր, որը պահում է ռուսական ակտիվներ, կարող է որոշել բռնագրավել դրանք և փոխանցել Ուկրաինայի համար նախատեսված հիմնադրամ։ Այնուհետև միջոցները կարող են ավելի ագրեսիվ կերպով ներդրվել՝ ավելի բարձր եկամուտներ ստանալու և Կիևին աջակցելու համար։
Հարկ է նշել, որ Բելգիան 25% հարկ է գանձում Euroclear-ի ռուսական ակտիվներից ստացված շահույթից, ներառյալ բաժնետոմսերի տոկոսները և դիվիդենտները, և ստացված եկամուտը փոխանցվում է Ուկրաինային օգնելու համար նախատեսված հիմնական եվրոպական հիմնադրամին։ Մինչ օրս կատարվել են վճարումների երեք տրանշ՝ յուրաքանչյուրը մոտ 1.5 միլիարդ եվրո։
Բաժանորդագրվեք մեր ալիքին Telegram-ում
