Ամերիկյան Forbes-ը ներկայացրել է ամենաբարձր վարձատրվող մահացած հայտնիների ամենամյա վարկանիշը։ 2022 թվականի ամենաբարձր վարձատրվող մահացած հայտնին՝ գրող Ջոն Թոլքինն է։ Երգիչ Մայքլ Ջեքսոնը՝ 2013-ից 2020 թվականների վարկանիշի առաջատարը, շարունակել է անկումը և հայտնվել վեցերորդ տեղում․ մեկ տարի առաջ նա երրորդն էր։
1. Ջոն Թոլքին, գրող
Տարվա շահույթը՝ $ 500 մլն
Մահվան օրը՝ 1973 թվականի սեպտեմբերի 2
![](https://banksnews.am/wp-content/uploads/2024/05/converse-970x250-c360.webp)
Թոլքինի առաջատար դիրքն ապահովել է «Middle Earth Enterprises»-ը՝ Saul Zaentz Company-ի ստորաբաժանումը, որին են պատկանում ֆիլմերի, ապրանքների և Թոլքինի որոշ ստեղծագործությունների բացառիկ իրավունքները՝ ներառյալ «Հոբիթը» և «Մատանիների տիրակալը» վեպերը:
Օգոստոսին վիդեո խաղերի շվեդական Embracer ընկերությունը հայտարարեց, որ գնել է այն։ Գործարքի գումարը չի հաղորդվում, սակայն Forbes-ի տվյալներով՝ Embracer-ը ծախսել է կես միլիարդ դոլար։
2. Կոբի Բրայանտ, բասկետբոլիստ
Տարվա շահույթը՝ $ 400 մլն
Մահվան օրը՝ 2020 թվականի հունվարի 26
Եկամուտը գոյացել է անցյալ տարվա նոյեմբերին Coca-Cola-ի կողմից էներգետիկ ըմպելիքների BodyArmor ապրանքանիշի գնման գործարքից։ LA Lakers-ի խաղացողին էր պատկանում BodyArmor-ի 7%-ը։ Կոբի Բրայանտը, մինչև ուղղաթիռի վթարի հետևանքով մահը, ընկերության տնօրենների խորհրդում է եղել:
3. Դեյվիդ Բոուի, երգիչ, դերասան
Տարվա շահույթը՝ $ 250 մլն
Մահվան օրը՝ 2016 թվականի հունվարի 10
Հունվարին երաժշտական հրատարակչական Warner Chappell ընկերությունը գնեց բրիտանացի ռոքերի երաժշտական կատալոգը և հիմնական ձայնագրությունները:
4. Էլվիս Փրեսլի, երգիչ
Տարվա շահույթը՝ $ 110 մլն
Մահվան օրը՝ 1977 թվականի օգոստոսի 16
Եկամտի առյուծի բաժինը, ըստ Forbes-ի, ժառանգներին փոխանցվել են՝ ռոքնռոլի արքայի Մեմֆիսում գտնվող Գրեյսլենդ կալվածքի ուղեգրերի, ինչպես նաև հուշանվերների տոմսերի վաճառքից։
5. Ջեյմս Բրաուն, երգիչ
Տարվա շահույթը՝ $ 100 մլն
Մահվան օրը՝ 2006 թվականի դեկտեմբերի 25
Անցյալ տարվա վերջին Բրաունի ժառանգության իրավունքները` ներառյալ երաժշտությունը, անունը և կերպարը, գնվել են Primary Wave մասնավոր երաժշտական հրատարակչական ընկերության կողմից։
6. Մայքլ Ջեքսոն, երգիչ
Տարվա շահույթը՝ $ 75 մլն
Մահվան օրը՝ 2009 թվականի հունիսի 25
Հիմնական եկամուտը ստացվում է երգչի երաժշտական հավաքածուից՝ իր սեփական Mijac Music լեյբլից։ Լրացուցիչ ֆինանսավորումը նաև ստացվում է Լաս Վեգասի Cirque du Soleil Ջեքսոնի թեմայով ծրագրից և Բրոդվեյի MJ մյուզիքլից, որը հիմնված է նրա կենսագրության վրա:
Բաժանորդագրվեք մեր ալիքին Telegram-ում