ԵՄ արտաքին գործերի նախարարները, ինչպես նաև Ուկրաինայի արտաքին գործերի նախարար Անդրեյ Սիբիհան, օգոստոսի 11-ին առցանց խորհրդակցություն են անցկացրել Ուկրաինայի վերաբերյալ՝ ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի օգոստոսի 15-ին Ալյասկայում նախատեսված գագաթնաժողովի ֆոնին, հաղորդում է DW-ն։
Ինչպես հայտարարել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալլասը, Բրյուսելը դեմ է Մոսկվային որևէ զիջում քննարկելուն և պատրաստում է Ռուսաստանի դեմ պատժամիջոցների 19-րդ փաթեթը։
«Քանի որ Ռուսաստանը չի համաձայնվել լիակատար և անվերապահ հրադադարի, մենք նույնիսկ չպետք է քննարկենք որևէ զիջում։ Սա երբեք չի աշխատել Ռուսաստանի հետ անցյալում և այսօր չի աշխատի Պուտինի հետ», — ասել է Կալլասը արտաքին գործերի նախարարների հանդիպումից հետո։
Կալլասի խոսքով՝ Սիբիգան իր եվրոպացի գործընկերներին տեղեկացրել է «ընթացիկ դիվանագիտական ջանքերի և մարտադաշտում տիրող իրավիճակի մասին». «Մենք լիովին աջակցում ենք այս պատերազմի ավարտին այնպես, որ Ռուսաստանին չթողնի վերադառնալու և ագրեսիան վերսկսելու հնարավորություն»։ «Ուկրաինայի՝ որպես ինքնիշխան պետություն գոյատևելու իրավունքը սպառնալիքի տակ է», — ասել է եվրոպական դիվանագիտության ղեկավարը։
Կալլասը նշել է, որ ԵՄ-ն աշխատում է Ռուսաստանի դեմ պատժամիջոցների նոր՝ 19-րդ փաթեթի վրա: Բրյուսելը մտադիր է շարունակել աջակցել Ուկրաինային թե՛ ռազմական, թե՛ ֆինանսական ոլորտներում։
Օգոստոսի 11-ին Գերմանիայի կանցլեր Ֆրիդրիխ Մերցը օգոստոսի 13-ին նախաձեռնել է Ուկրաինայի վերաբերյալ առցանց բանակցություններ՝ արևմտյան առաջնորդների, ինչպես նաև ԱՄՆ-ի և Ուկրաինայի նախագահներ Դոնալդ Թրամփի և Վլադիմիր Զելենսկու մասնակցությամբ: Նրանցից բացի, զրույցին, ինչպես սպասվում է, կմասնակցեն Մեծ Բրիտանիայի, Իտալիայի, Լեհաստանի, Ֆինլանդիայի և Ֆրանսիայի նախագահներն ու կառավարությունների ղեկավարները, ինչպես նաև Եվրահանձնաժողովի նախագահ Ուրսուլա ֆոն դեր Լեյենը, ԵՄ խորհրդի նախագահ Անտոնիո Կոստան, ՆԱՏՕ-ի գլխավոր քարտուղար Մարկ Ռյուտեն և ԱՄՆ փոխնախագահ Ջ.Դ. Վենսը։
Բաժանորդագրվեք մեր ալիքին Telegram-ում
