ԱՄՆ ավիացիոն իշխանությունները օգոստոսի 15-ին՝ ԱՄՆ նախագահ Դոնալդ Թրամփի և Ռուսաստանի առաջնորդ Վլադիմիր Պուտինի միջև նախատեսված հանդիպման օրը, կփակեն Ալյասկայի Անքորիջ քաղաքի օդային տարածքը, ըստ Դաշնային ավիացիոն վարչության (FAA) պաշտոնական ծանուցման։
Հրապարակված «Ալյասկայի Անքորիջում VIP անձանց տեղաշարժի մասին ծանուցման» մեջ նշվում է, որ նահանգի ամենամեծ քաղաքի օդային տարածքը կփակվի 30 մղոն (48.3 կիլոմետր) շառավղով և մինչև 18,000 ոտնաչափ (մոտ 5.5 հազար մետր) բարձրության վրա։
Նշվում է, որ սահմանափակումները ուժի մեջ են մեկ օր՝ ուրբաթ օրը։
Ավելի վաղ The New York Times-ը հայտնել էր, որ ԱՄՆ և Ռուսաստանի նախագահների օգոստոսի 15-ի գագաթնաժողովը կարող է անցկացվել Անքորիջում։ Հրատարակությունը նշում է, որ 2017 թվականին պաշտոնը ստանձնելուց ի վեր Թրամփը առնվազն հինգ անգամ այցելել է Ալյասկա, հիմնականում մնալով Անքորիջի Էլմենդորֆ-Ռիչարդսոն համատեղ բազայում։ Պուտինի հետ հանդիպումը նրա առաջին պաշտոնական այցը կլինի այդ նահանգ՝ երկրորդ ժամկետի մեկնարկից ի վեր։
Բաժանորդագրվեք մեր ալիքին Telegram-ում
