OpenAI-ի o3 մոդելը արհեստական բանականության (AI) շախմատի մրցաշարի եզրափակչում հաղթել է ամերիկացի միլիարդատեր և ձեռնարկատեր Էլոն Մասկի xAI-ի կողմից մշակված Grok-ին, հաղորդում է BBC-ն։
«OpenAI-ի o3 մոդելը անպարտելի դուրս եկավ մրցաշարում և եզրափակչում հաղթեց xAI-ի Grok 4-ին՝ յուղ լցնելով երկու ընկերությունների միջև շարունակվող մրցակցության կրակին», — ասվում է հոդվածում։
Նշվում է, որ տեխնոլոգիական հսկաները վաղուց են օգտագործում շախմատը համակարգչային համակարգերի առաջընթացն ու հնարավորությունները գնահատելու համար, և ժամանակակից շախմատային մեքենաները գործնականում անպարտելի են նույնիսկ լավագույն գրոսմայստերների համար։
BBC-ի տվյալներով՝ չնայած այն հանգամանքին, որ արհեստական բանականության մոդելները զգալի հաջողությունների են հասել առօրյա խնդիրների լուծման գործում, դրանք դեռևս «զարգանալու տեղ ունեն» շախմատում։
Մեկ օր առաջ OpenAI-ը ներկայացրեց իր նեյրոնային ցանցի նոր սերունդը՝ GPT-5-ը, որի շնորհիվ օգտատերերը կստանան ավելի ճշգրիտ դատողություններ։ Շնորհանդեսի ժամանակ մշակողները վստահեցրին, որ նեյրոնային ցանցի թարմացված տարբերակը հագեցած է ընդլայնված երկարաժամկետ հիշողությամբ և շատ ավելի հազվադեպ է սխալներ թույլ տալիս պատասխաններում: GPT-5-ը հասանելի կլինի ChatGPT-ի բոլոր օգտատերերի համար, սակայն անվճար օգտատերերի համար հարցումների քանակը սահմանափակ կլինի:
Բաժանորդագրվեք մեր ալիքին Telegram-ում
