Ջենիֆեր Լոպեսիը եկավ-գնաց, բայց երևանյան համերգի շուրջ ծավալված քննարկումները դեռ շարունակվում են։ Ծախսված հսկայական գումարների մասով հանրության շրջանում կան չարաշահման կասկածներ։ Մյուս կողմից, ճիշտ է նաև այն տեսակետը, որ այդ գումարները կարելի էր ուղղել ի նպաստ զբոսաշրջային ենթակառուցվածքների զարգացմանը և լուծել այն անմխիթար վիճակը, որն առկա է Երևանից դուրս՝ մարզային բազմաթիվ համայնքներում։
Ի վերջո, զբոսաշրջիկը, ում պետք է Հայաստանը հրապուրի Լոպեսի այցով, ՀՀ-ից կհեռանա շատ հիասթափություններով, և հարց է`կվերադառնա՞ արդյոք կրկին` նույնիսկ մեկ այլ «մեգա աստղի» այցի դեպքում։
Այս համատեքստում նկատենք, որ 2025թ․ առաջին կիսամյակում ՀՀ այցելած զբոսաշրջիկների թվաքանակը 2024թ․ նույն ժամանակահատվածի համեմատ կրճատվել է 4%-ով՝ կազմելով 907,135 մարդ։ Մյուս կողմից ՀՀ -ից մեկնած զբոսաշրջիկների թվաքանակը 2025թ․ առաջին կիսամյակում 2024թ․ առաջին կիսամյակի համեմատ աճել է 6%-ով՝ կազմելով 748,331 մարդ։
Փաստացի, ավելի շատ մեկնում ենք այլ երկրներ, քան ընդունում ենք մեր երկիր։
Վերադառնալով զբոսաշրջիկների թվաքանակին՝ նկատենք, որ վերջիններիս տարիքային կառուցվածքը եղել է հետևյալը․
Պարզվում է՝ 36-63 տարեկանների մասնաբաժինը ՀՀ այցելած և ՀՀ-ից մեկնած զբոսաշրջիկների թվաքանակում կազմել է համապատասխանաբար 52% և 48%։
ՀՀ այցելած և ՀՀ-ից մեկնած զբոսաշրջիկների թվաքանակում 26-35 տարեկանների մասնաբաժինը կազմել է համապատասխանաբար 21% և 22%։ ՀՀ այցելած և ՀՀ-ից մեկնած զբոսաշրջիկների թվաքանակում մինչև 15 տարեկանների մասնաբաժինը կազմել է համապատասխանաբար 8% և 10%։
Բաժանորդագրվեք մեր ալիքին Telegram-ում
