Politico-ն գրում է, որ Բրյուսելը պատրաստվում է պատժամիջոցներ կիրառել Չինաստանի դեմ՝ Ուկրաինայում Ռուսաստանի պատերազմին նրա աճող աջակցության պատճառով։
Այս քայլի պատճառը Reuters-ի հուլիսյան հոդվածն էր, որտեղ ասվում էր, որ չինական անօդաչու թռչող սարքերի շարժիչները գաղտնի կերպով Ռուսաստանին մատակարարվել են կեղծ ընկերությունների միջոցով։ Փաստաթղթերում դրանք նկարագրվել են որպես արդյունաբերական սառնարանային սարքավորումներ՝ Արևմտյան պատժամիջոցները շրջանցելու միջոց։
Հետաքննությունը տագնապ է առաջացրել Բրյուսելում։ Աղբյուրի տվյալներով՝ ԵՄ 15 երկիր արդեն կապ է հաստատել Պեկինի հետ մատակարարումների վերաբերյալ հարցումներով, սակայն Չինաստանը կամ հերքում է իր մասնակցությունը, կամ անտեսում է հարցումները։
«Այս նյութը ճշմարիտ է, և այն ցույց է տալիս, որ Չինաստանի մասնակցությունն աճում է և՛ քանակական, և՛ որակական առումով», — նշել է դիվանագետը։ «Կարելի է վստահորեն ասել, որ առանց Չինաստանի աջակցության այս պատերազմը բոլորովին այլ տեսք կունենար»։
Աղբյուրի տվյալներով՝ Եվրամիությունը տեղյակ էր չինական անօդաչու թռչող սարքերի Ռուսաստան փոխանցման մասին դեռևս լրագրողական հետաքննությունների հրապարակումից առաջ։
«Օգոստոսից հետո մենք կձգտենք պատժամիջոցների», — ասել է դիվանագետը՝ հավելելով, որ ԵՄ-ն չպետք է թերագնահատի իր տնտեսական ազդեցությունը։
«Մենք բաց ենք երկխոսության համար, բայց ակնկալում ենք կոնկրետ գործողություններ»։
