Wildberries մարկետփլեյսը սկսել է քեշբեքի նոր ծրագիր, որի շրջանակում գնորդները կարող են բոնուսներ ստանալ՝ «Ягодок»-ի տեսքով։
ՌԴ-ում քեշբեքը գործում է այն ապրանքների համար, որոնք նշված են «Քեշբեք» պիտակով։ Յուրաքանչյուր «Ягодок » համարժեք է 1 ռուբլու, և կարելի է վճարել գնումի արժեքի մինչև 99%-ը «Ягодокa»-ով ։ Քեշբեքի ծրագիրը դեռ չի գործում ՀՀ-ում։
Քեշբեքի չափը սահմանում է վաճառողը՝1%–ից մինչև 25% ապրանքի արժեքից։ Գնում կատարելիս օգտատերը կարող է տեսնել, արդյոք տվյալ ապրանքի համար «Ягодок »-ներ կտրամադրվեն և որքան։
Բոնուսները հասանելի են դառնում պատվերը ստանալուց 2 շաբաթ անց, որպեսզի համոզվեն, որ ապրանքը չի վերադարձվել։ «Ягодок »-ներ- գործողության ժամկետը՝ 1 տարի։
Քեշբեքի համար վճարումը պետք է կատարվի WB դրամապանակով, որի զեղչերն էլ պահպանվում են։
Ծրագիրն այս պահին գործում է փորձնական փուլում, սակայն արդեն հասանելի է օգտատերերի մեծ մասի համար։ Օգտատերերն իրենց պրոֆիլում կտեսնեն «Ягодок »-ի նշանը՝ իրենց բալանսով։
Wildberries-ի տվյալներով՝ պիլոտային փուլի ընթացքում օգտատերերին արդեն տրամադրվել է ավելի քան 10 միլիոն «Ягодок »։ Ապագայում պլանավորվում է քեշբեք տրամադրել ոչ միայն գնումների, այլև այլ գործողությունների համար, օրինակ՝ գրախոսությունների կամ Wibes սոցցանցում ակտիվության դիմաց։
Բաժանորդագրվեք մեր ալիքին Telegram-ում
