Թուրքական «Turkish Petroleum» ընկերությունը կմասնակցի Ղազախստանում նավթի և գազի հանքավայրերի զարգացմանը։
Այս մասին մամուլի ասուլիսում հայտարարեց Ղազախստանի էներգետիկայի նախարար Երլան Ակկենժենովը։
Նախարարը նշեց, որ պետության ղեկավարի վերջերս Թուրքիա կատարած պաշտոնական այցի ընթացքում համագործակցության հուշագիր է ստորագրվել «KazMunayGas» ազգային ընկերության և «Turkish Petroleum»-ի միջև։ Փաստաթղթի շրջանակներում կողմերը աշխատում են թուրքական ընկերության Ղազախստանում նավթի և գազի հանքավայրերի զարգացմանը մասնակցելու հնարավորության վրա, այդ թվում՝ քննարկելով ներդրումների պայմանները և պոտենցիալ ոլորտները։
«Ներկայումս երկու ընկերություններն էլ խորհրդակցություններ են անցկացնում, ուսումնասիրում են հանքավայրերը և գնահատում այն պայմանները, որոնց դեպքում «Turkish Petroleum»-ը կարող է սկսել աշխատանքները Ղազախստանում», — նշեց նախարարը։
