2025 թվականի հոկտեմբերի 12-ից Եվրամիությունը կսկսի նոր մուտքի/ելքի համակարգի (EES) փուլային ներդրումը, որը կփոխարինի անձնագրերի ավանդական դրոշմակնքումը կենսաչափական տվյալների օգտագործմամբ թվային գրանցմամբ: Այս մասին հայտարարել է Եվրոպական Միությունը:
EES համակարգը կներառի ԵՄ և Շենգենյան գոտու 29 անդամ պետություններ կարճաժամկետ ուղևորություններ կատարող բոլոր երրորդ երկրների քաղաքացիներին: Առաջին անգամ սահմանը հատելիս ճանապարհորդները պետք է մատնահետքեր կամ դեմքի լուսանկար տրամադրեն: Ապագայում բոլոր սահմանային անցումները կգրանցվեն ավտոմատ կերպով՝ առանց անձնագրում ֆիզիկական դրոշմակնիքի:
Նոր համակարգը հնարավորություն կտա ավելի արագ և ճշգրիտ հետևել օտարերկրացիների մնալու տևողությանը, ինչպես նաև արագորեն բացահայտել թույլատրելի ժամկետը գերազանցելու դեպքերը:
Համակարգը կկիրառվի Շենգենյան գոտու բոլոր երկրներում, այդ թվում՝ այնպիսի երկրներում, ինչպիսիք են Գերմանիան, Ֆրանսիան, Իսպանիան, Իտալիան, Լեհաստանը և այլն:
Բաժանորդագրվեք մեր ալիքին Telegram-ում
