Ֆրանսիական Նիմ քաղաքում աճուրդում վաճառվել է Մայքլ Ջեքսոնի գուլպան, որը փոփի արքան կրել էր 1997 թվականին Նիսում կայացած համերգի ժամանակ, գրում է Le Figaro-ն։
Գուլպան գնահատվել էր 3000-4000 եվրո։ Փայլերով բեժ գուլպան աճուրդում վաճառքի էր դրվել շրջանակի մեջ։ Այն գտնվել է Ջեքսոնի հանդերձարանի մոտ՝ նրա ելույթից անմիջապես հետո՝ 1997 թվականի հունիսի 27-ին, Չարլզ Հերման մարզադաշտում։ Համերգի ժամանակ սարքավորումների հետ աշխատող տեխնիկը գտել է գուլպան և ամբողջ ընթացքում պահել իր մոտ։
Աճուրդի կազմակերպիչների խոսքով՝ գուլպան նկատելի է եղել Ջեքսոնի HIStory համաշխարհային շրջագայության ժամանակ Beat it Live և Billie Jean երգերի կատարման ժամանակ։ Այս երգերի կատարումը սովորաբար ուղեկցվում էր Մայքլ Ջեքսոնի «լուսնային քայլքով»։ Գուլպայի կողքին գտնվող շրջանակում աճուրդավարները տեղադրում էին համերգի վայրի անցաթուղթ, որը տրվել էր գուլպան գտած տեխնիկի անունով։
Անցյալ տարի Մայքլ Ջեքսոնի գլխարկը, որը նա կրել էր 1983 թվականին «Լուսնային քայլք» երգի իր դեբյուտային կատարման ժամանակ, վաճառվել է Փարիզում կայացած աճուրդում։ Լոտը վաճառվել է ավելի քան 77,000 եվրոյով։
Բաժանորդագրվեք մեր ալիքին Telegram-ում
