«Ուսուցման [բաղադրիչի] պարագայում պետությունը հոգում է կարճաժամկետ ուսուցում՝ մինչև 5 ամիս տևողությամբ, և պետությունը փոխհատուցում է գործատուին ուսման ծախսը մինչև 250 հազար դրամ, որից հետո գործատուն պարտավոր է լինում աշխատանքային պայմանագիր կնքել շահառուի հետ առնվազն 6 ամսով: 6 ամսվա ընթացքում պետությունը գործատուին փոխհատուցում է հարկային պարտավորությունը՝ մինչև 50 հազար դրամ երկամտահարկ և մնացած վճարները:
Երկրորդ բաղադրիչով, եթե գործատուն կարծում է՝ ընդամենը շահառուին, որոշակի փորձնական-տեսական գիտելիքներից բացի, անհրաժեշտ է նաև պրակտիկ գիտելիքներ ձեռք բերելով, աշխատանքի անցնել, ապա երկրորդ տարբերակում պրակտիկայի տարբերակն է ընտրում, որի պարագայում առաջին իսկ օրվանից 6 ամսվա աշխատանքային պայմանագիր է ստորագրում, որից 3 ամսվա համար պետությունը գործատուին փոխհատուցում է աշխատավարձը և հարկերը (165 հազար դրամի մասին է խոսքը), հաջորդ 3 ամսվա ընթացքում մինչև 50 հազար դրամի ծախսերն է փոխհատուցում»,- ասաց նա:
Երրորդ բաղադրիչով, եթե գործատուն շահառուի հետ 6-11 ամսվա համար աշխատանքային պայմանագիր է ստորագրում, ապա պետությունը գործատուին փոխհատուցում է 6 ամսվա տևողությամբ յուրաքանչյուր ամիս մինչև 50 հազար դրամի հարկեր, իսկ եթե 12 ամսից ավելի է, ապա 12 ամիս փոխհատուցվում է մինչև նվազագույնի չափ գումար, այսինքն՝ մինչև 75 հազար դրամ: Առաջին փուլում նախատեսվում է ծրագիրն իրականացնել 400 հոգու համար:
Ըստ ԱՍՀ նախարարի տեղակալի՝ ծրագրում կա կարևոր սահմանափակում:
«Ծրագրերը զուգահեռաբար են իրականացվում Կոտայքի և Սյունիքի մարզերում, քանի որ անապահովության գնահատման նոր համակարգն այնտեղ է սկսել կիրառվել, և տրամաբանությունը՝ անապահովության գնահատման, դժվարին իրավիճակից մարդկանց դուրս բերելու, ոչ թե մշտապես աջակցելն է, այլ եթե մարդը աշխատունակ է, ապա օգնել աշխատանք գտնել: Այդ իրավիճակում պետությունը որոշակի աջակցություն է ցույց տալիս և աշխատաշուկա է մտցնում»,- ասաց նա:
Ծրագրին կարող են դիմել հաջորդ շաբաթվանից:
