Անդրադառնալով բուն գործընթացի մեկնարկին՝ Սուրեն Գրիգորյանը տեղեկացրեց. «Այս մասով ծրագրային աշխատանքները գրեթե ամբողջությամբ ավարտված են, և այս շաբաթվա ընթացքում կավարտվեն, և հասարակական կարգի պահպանման ծառայության մեր գործընկերների հետ կիրականացվեն համապատասխան դասընթացներ, թե ինչպես է պետք ստուգումն իրականացնել տրանսպորտում, ինչից հետո ստուգումները կսկսեն իրականացվել»:
Երևանի քաղաքապետ Տիգրան Ավինյանն արձագանքեց. «Այսինքն՝ այս շաբաթ մենք սկսում ենք վերապատրաստումը, և փաստացի արդեն սկսում ենք նաև տուգանել խախտողներին»:
Հիշեցնենք, որ Ազգային ժողովը հուլիսի 3-ին ընդունել էր որոշում, համաձան որի՝ տրանսպորտային միջոցից օգտվելիս ուղևորավարձը չվճարելու դեպքում սահմանվել էր 15 հազար դրամի տուգանք: Ըստ այդմ՝ եթե քաղաքացին օգտվել է ոչ իր կողմից ձեռք բերված կամ արտոնություն ունեցող անձի կրիչը կրող քարտից կամ արտոնությունից ընդհանրապես, ապա այս պարագայում տուգանքը 15 հազար դրամ է, իսկ եթե ուղևորն ունի նման արտոնություն, բայց չի վավերացրել կրիչը տրանսպորտային միջոցում, այսինքն՝ տրանսպորտային միջոց բարձրանալիս ունի համապատասխան իրավունք, սակայն այդ իրավունքը չի վավերացրել, այդ դեպքում տուգանքը կլինի 3000 դրամ: Նույն նախագծի համաձայն՝ տրանսպորտից օգտվելիս չվճարող և նույնականանալ չցանկացող քաղաքացին կարող է նաև վարչական ձերբակալության ենթարկվել:
