Financial Times-ի փոխանցմամբ՝ Visible Alpha վերլուծական ընկերության հաշվարկներով, Գերմանիայի երեք խոշորագույն ավտոարտադրողների դրամական հոսքերը 2025 թվականին կնվազեն ավելի քան €10 միլիարդով։ Սա պայմանավորված է ԱՄՆ-ի կողմից նախագահ Դոնալդ Թրամփի նախաձեռնությամբ սահմանված ներմուծման մաքսատուրքերով։
Ըստ կանխատեսումների՝
- Mercedes-Benz-ի դրամական հոսքը կնվազի €9,4 միլիարդից մինչև €3 միլիարդ,
- Volkswagen-ինը՝ €7,1 միլիարդից մինչև €3,5 միլիարդ,
- իսկ BMW-ինը՝ €4,8 միլիարդից մինչև €4,4 միլիարդ։
Վերլուծաբանների կարծիքով՝ բարձրացված մաքսատուրքերը հանգեցնելու են ԱՄՆ արտահանման և բաղադրիչների ձեռքբերման ծախսերի աճի, ինչպես նաև մատակարարման շղթաների վերափոխման անհրաժեշտության։
Այս ամենը տեղի է ունենում այն ժամանակ, երբ գերմանական ավտոարդյունաբերությունը արդեն իսկ բախվում է խնդիրների՝ կապված սպառման դանդաղման և չինական մրցակիցների ակտիվության հետ։
Բաժանորդագրվեք մեր ալիքին Telegram-ում
