Reuters-ը հաղորդում է, որ ԱՄՆ նախագահ Դոնալդ Թրամփը, ամենայն հավանականությամբ, չի կատարի իր խոստումը՝ 100% ներմուծման մաքսատուրք սահմանել ռուսական նավթ գնող երկրներից ապրանքների վրա։
Վենեսուելայի օրինակը ցույց է տվել, որ նման սպառնալիքները հաճախ չեն հանգեցնում սպասվող արդյունքի, ասում է Rapidan Energy Group խորհրդատվական ընկերության աշխարհաքաղաքական ռիսկերի տնօրեն Ֆեռնանդո Ֆերեյրան։ Գործակալությանը տված հարցազրույցում նա նշել է, որ երկրորդական պատժամիջոցները կարող են «չափազանց պարզունակ գործիք» լինել Ռուսաստանի դեմ։
Ֆերեյրան ընդգծել է, որ եթե կիրառվի «միջուկային տարբերակը»՝ շուկայից օրական ավելի քան 4,5 միլիոն բարել նավթ հանելը և այլ երկրների հետ առևտրային կապերի խզումը ռուսական նավթի ներմուծման պատճառով, ապա կա նավթի գների կտրուկ թռիչքի վտանգ, ինչը կարող է հանգեցնել համաշխարհային տնտեսության փլուզմանը։
Ռազմավարական և միջազգային հետազոտությունների կենտրոնի էներգետիկայի և աշխարհաքաղաքականության ծրագրի ավագ գիտաշխատող և տնօրեն Քլեյ Սիգլը ենթադրել է, որ ռուսական նավթ գնող երկրների վրա 100% մաքսատուրք սահմանելը կարող է նվազեցնել համաշխարհային մատակարարումը և բարձրացնել գները։
Ընդհանուր առմամբ, փորձագետները կասկած հայտնեցին, որ ամերիկացի նախագահը թույլ կտա դա տեղի ունենալ։
Հուլիսի 14-ին Թրամփը հայտարարեց, որ եթե ռուս-ուկրաինական հակամարտությունը չլուծվի 50 օրվա ընթացքում, Միացյալ Նահանգները կսահմանի «շատ խիստ մաքսատուրքեր»։ Նրա խոսքով՝ Ռուսաստանը պետք է համաձայնության գա Ուկրաինայի հարցում այս ժամանակահատվածում, հակառակ դեպքում Մոսկվան և նրա առևտրային գործընկերները կենթարկվեն առնվազն 100% ներմուծման մաքսատուրքերի։
Բաժանորդագրվեք մեր ալիքին Telegram-ում
