«17:05-ից խնդիրն ամբողջությամբ կարգավորվել է, և համակարգն անխափան աշխատում է։ Մեր տեխնիկական թիմը շարունակում է համակարգի մշտադիտարկումն ու ձեռնարկում քայլեր՝ հետագա խնդիրները կանխարգելելու ուղղությամբ»,- ասված է հաղորդագրությունում։
Հիշեցնենք՝ այսօր առավոտից տեխնիկական խնդիրների պատճառով խաթարվել էր Arca վճարային համակարգի բնականոն աշխատանքը, ինչի հետևանքով հնարավոր չի եղել կատարել քարտային որոշ գործարքներ: Կեսօրից հետո համակարգի աշխատանքը վերականգնվել է, և խնդիր է եղել միայն բանկերի հավելվածներում և քարտից քարտ փոխանցումներում։
