ԵՄ-ի դեմ պատժամիջոցների 18-րդ փաթեթը պետք է հաստատվեր ԵՄ դեսպանների այսօրվա հանդիպման ժամանակ, սակայն դա տեղի չունեցավ։
«Կորեպերի հանդիպումն ավարտվեց, և Ռուսաստանի դեմ պատժամիջոցների 18-րդ փաթեթը կրկին չհաստատվեց։ Երկու պետություն շարունակում են արգելափակել փաթեթը, և նրանց հետ քննարկումները շարունակվում են», — գրում է «Եվրոպական պրավդան»՝ հղում անելով քննարկման ընթացքի մասին տեղեկացված իր զրուցակիցներից մեկին։
Դիվանագետների խոսքով՝ Սլովակիան և Մալթան դեռևս հրաժարվում են հաստատել հակառուսական պատժամիջոցների նոր փաթեթը։
«Ռուսաստանի դեմ պատժամիջոցների և 18-րդ փաթեթի քննարկումը կներառվի հուլիսի 18-ին կայանալիք ԵՄ խորհրդի ընդհանուր հարցերի նիստի օրակարգում», — «Եվրոպական պրավդային» ասել է մեկ այլ դիվանագետ։
Պատժամիջոցների փաթեթը, որը Եվրամիությունը հույս ուներ հաստատել այսօր, պետք է մի փոքր խստացներ ռուսական նավթի և նավթամթերքի գնորդների և փոխադրողների, ինչպես նաև Չինաստանից և Բելառուսից ռուսական բանկերի և ընկերությունների դեմ գործող պատժամիջոցները, որոնք օգնում են Կրեմլին շրջանցել եվրոպական սահմանափակումները։
Սլովակիայի իշխանությունները դժգոհ են ԵՄ-ի կողմից մինչև 2028 թվականը ռուսական գազից ամբողջությամբ հրաժարվելու որոշումից և պահանջում են փոխհատուցում՝ հետաձգելով Մոսկվայի դեմ նոր պատժամիջոցների ընդունումը։
Բաժանորդագրվեք մեր ալիքին Telegram-ում
