Ադրբեջանի և Ռուսաստանի միջև առևտրաշրջանառությունը 2025 թվականի առաջին կիսամյակում գերազանցել է 2,5 միլիարդ դոլարը
Ադրբեջանի մաքսային ծառայության տվյալների համաձայն՝ 2025 թվականի հունվար-հունիս ամիսներին Ադրբեջանի և Ռուսաստանի միջև առևտրաշրջանառությունը կազմել է 2,52 միլիարդ դոլար, ինչը 16,2%-ով ավելի է, քան նախորդ տարվա նույն ժամանակահատվածում։ Այս մասին հաղորդում է РИА Новости-ն՝ հղում անելով մաքսային տվյալներին։
Համեմատության համար՝ 2024 թվականի առաջին կիսամյակում այդ ցուցանիշը կազմել էր մոտ 2,16 միլիարդ դոլար։
Ըստ զեկույցի՝ Ռուսաստանի հետ առևտրային գործարքներն ապահովել են Ադրբեջանի ամբողջ արտաքին առևտրաշրջանառության 10,33%-ը։ Այս ցուցանիշով Ռուսաստանը զբաղեցնում է երրորդ տեղը՝ Ադրբեջանի արտաքին առևտրային գործընկերների շարքում՝ Իտալիայից և Թուրքիայից հետո։
