Ռուսաստանը կարող է սահմանափակել ևս երեք ադրբեջանական ընկերությունների արտադրանքի ներմուծումը

Ռոսսելխոզնադզորը մինչև հուլիսի 14-ը ադրբեջանական իրավասու գործակալությունից տեղեկատվություն է պահանջել որոշ կաթնամթերք արտադրողների հումքի ծագման վերաբերյալ: Այս մասին հաղորդվել է ռուսական գործակալության կայքում:

Մասնավորապես, դրանք են՝ ATENA LLC (կաթ և կաթնամթերքի արտադրություն), AZEMAL LLC (կաթ, պանիր, կարագ, սերուցք), OOO AZ.MILKA EXPORT (կաթնամթերքի (կարագի) արտադրություն և վերամշակում):

Մեկ օր առաջ Ռոսսելխոզնադզորը հուլիսի 11-ից արգելք է դրել ադրբեջանական OOO ALLBUY և OOO MILK PRODUCTS արտադրողների բոլոր տեսակի կաթնամթերքի ներմուծման վրա՝ ընկերությունների կողմից Ռուսաստան իրենց արտադրանքի հետագա մատակարարումների նկատմամբ հետաքրքրության բացակայության պատճառով: Գործակալության հայտարարության մեջ նշվում է, որ «Ադրբեջանի սննդի անվտանգության գործակալությունը տեղեկացրել է (Ռոսսելխոզնադզորին), որ OOO ALLBUY-ը, որը արտադրում է կաթնամթերք (կարագ և պանիրներ), և OOO MILK PRODUCTS-ը, որը արտադրում և վերամշակում է կաթնամթերք (կարագ), հետաքրքրված չեն Ռուսաստան իրենց ապրանքների հետագա մատակարարումներով»: