Ռուսաստանի Դաշնային դատական ծառայությունը (FSSP) Արազ Ագալարովի դեմ կատարողական վարույթ է սկսել՝ հիմնվելով Մոսկվայի Պրեսնենսկի դատարանի մայիսին ուժի մեջ մտած որոշման վրա, գրում է «Վեդոմոստին»։
Գործարարի դեմ հայցը ներկայացրել է Մոսկվայի մետրոն։ Գործով, որը դասակարգվել է որպես չարտոնված շինարարության վերաբերյալ վեճ, Ագալարովին և ևս 24 պատասխանողների պարտավորեցրել են ազատել մետրոյի կողմից T-18 քարշակային ենթակայանի շահագործման համար վարձակալված հողատարածքը մետաղական ավտոտնակի բոքսերից։
Դատարանի որոշման համաձայն՝ «Մետրո» փակ ավտոտնակի կայանատեղի» ՊԳԵԿ-ում միավորված բոքսերի սեփականատերերը գրանցված սեփականության իրավունք չունեն այդ կառույցների նկատմամբ։ Մետրոն պնդում է, որ դրանք խանգարում են տրանսպորտային ենթակառուցվածքի օբյեկտի շահագործմանը։
Ագալարովը պարտավոր է քանդել 1, 2, 5, 6 և 33 համարներով բոքսերը, ինչպես նաև բարեկարգել տարածքը դատարանի որոշման ուժի մեջ մտնելուց հետո երեք ամսվա ընթացքում։ Հակառակ դեպքում պատասխանողները կենթարկվեն տուգանքի։
Բաժանորդագրվեք մեր ալիքին Telegram-ում
