Թրամփը սկսում է օծանելիք վաճառել

ԱՄՆ նախագահ Դոնալդ Թրամփը թողարկել է տղամարդկանց և կանանց համար նախատեսված օծանելիքների նոր շարք՝ Victory 45-47 անվամբ։

Այս մասին հաղորդել է The Independent-ը։ Օծանելիքը առաջարկվում է «պաշտամունքային» և ենթադրաբար «սահմանափակ թողարկմամբ»՝ ոսկեզօծ արձանիկներով և խորհրդանիշներով, այդ թվում՝ բարձրացված բռունցքով Թրամփի պատկերով։ Շշի գինը 249 դոլար է։

Կանացի տարբերակը հայտարարվում է որպես վստահության և գեղեցկության բույր, իսկ տղամարդկանց տարբերակը՝ «նրանց համար, ովքեր առաջնորդում են ուժով և վճռականությամբ»։

Չնայած ապրանքները գովազդվում են Թրամփի անունով, էջի ներքևի մասում նշված է, որ օծանելիքները չեն արտադրվում և վաճառվում անձամբ Թրամփի կողմից, այլ ապրանքանիշն օգտագործելու լիցենզիայի ներքո։

The Independent-ը նշում է, որ օծանելիքը բազմաթիվ ապրանքներից միայն մեկն է, որի վրա Թրամփը գումար է վաստակում։ Դրանց թվում է $TRUMP կրիպտոարժույթը, որը բերել է մինչև 315 միլիոն դոլար, ինչպես նաև ժամացույցներ, գրքեր և նրա Mar-a-Lago ակումբը։

Հրատարակությունը նաև հիշեցնում է, որ Թրամփը իր նախագահության ընթացքում էթիկայի երդում չի ստորագրել, ի տարբերություն վերջին շրջանի այլ նախագահների։