ԱՄՆ նախագահ Դոնալդ Թրամփը, ամերիկացի ձեռնարկատեր Էլոն Մասկի կողմից ծախսերի և հարկերի վերաբերյալ քննադատության ֆոնին, ասել է, որ առանց սուբսիդիաների ինքը ստիպված կլինի «փակել իր խանութը և վերադառնալ տուն՝ Հարավային Աֆրիկա»։
«Էլեկտրական մեքենաները հիանալի են, բայց ոչ բոլորին պետք է ստիպել դրանք ունենալ։ Էլոնը, հավանաբար, ավելի շատ սուբսիդիաներ է ստանում, քան պատմության մեջ որևէ այլ անձ, և առանց սուբսիդիաների նա, հավանաբար, ստիպված կլինի փակել իր խանութը և վերադառնալ տուն՝ Հարավային Աֆրիկա», — ասել է նա։
Թրամփը նաև նշել է, որ Մասկը դեռ շատ առաջ գիտեր, նախքան իրեն նախագահի պաշտոնում աջակցելը, որ ինքը դեմ է էլեկտրական մեքենաներին։
«Այլևս հրթիռների արձակումներ, արբանյակներ կամ էլեկտրական մեքենաների արտադրություն չէին լինի, և մեր երկիրը կխնայի մի ամբողջ կարողություն։ Գուցե մենք պետք է լավ, ուշադիր նայենք դրան։ ԽՆԱՅԵԼՈՒ ՄԵԾ ԳՈՒՄԱՐ Է!!!», — գրել է Թրամփը Truth Social սոցիալական ցանցում։
