Եվրոպական Միության արտաքին գործերի և անվտանգության քաղաքականության բարձր ներկայացուցիչ, Եվրոպական հանձնաժողովի փոխնախագահ Կայա Կալասը, ըստ էության, հաստատել է լրատվամիջոցների հաղորդագրությունն այն մասին, որ Հունգարիան արգելափակում է Հայաստանին Խաղաղության հիմնադրամից միջոցների տրամադրումը։
Հունիսի 30-ին Երևանում կայացած մամուլի ասուլիսում պատասխանելով այն հարցին, թե արդյոք ճիշտ են Եվրոպական Խաղաղության հիմնադրամից Հայաստանին լրացուցիչ միջոցների տրամադրման վետոյի մասին հաղորդագրությունները, Կալասը բացատրել է, որ ԵՄ-ն բաղկացած է 27 ինքնիշխան երկրներից, որոնք ունեն իրենց սեփական կարծիքը, և որոշումները կայացվում են կոնսենսուսով։
«Սա գործընթաց է։ Մենք փորձում ենք լուծում գտնել։ Այո, լուծում չկա, բայց մենք փորձում ենք լուծում գտնել», — լավատեսորեն վստահեցրել է Կալասը։
