Telegram-ի հիմնադիր Պավել Դուրովը հայտարարել է, որ սեպտեմբեր 2025-ից սկսած մեսենջերը դադարեցնելու է իր գործունեությունը Ռուսաստանում։ Այդ պահից սկսած, հավելվածը այլևս հասանելի չի լինի ռուսական համարներով օգտատերերի համար՝ +7 կոդով։ Կարգելվի նոր հաշիվների գրանցումը և մուտքը գոյություն ունեցող հաշիվներ, ինչպես նաև դադարեցվելու է երկգործոն ավտենտիֆիկացման SMS-կոդերի առաքումը։ Բոլոր ռուսական համարներով գրանցված հաշիվները կփոխվեն «սառեցված» կարգավիճակի։
Տեղադրված հավելվածը ավտոմատ կերպով կթարմացվի՝ վերածվելով Ռուսաստանի թվային նախարարության պատվերով մշակված ազգային մեսենջերի։
«Telegram-ը որոշում է կայացրել դուրս գալ Ռուսաստանի շուկայից՝ հաշվի առնելով շուկայի փոփոխված իրադրությունը և ազգային մեսենջերի ի հայտ գալը, որն աջակցվում է պետության կողմից։ Այդ հարթակն ունի բացառիկ հնարավորություններ՝ մուտք `Գոսուսլուգի (պետծառայությունների հարթակ) միջոցով և բանալիների ամբողջական փոխանցման գործառույթ, ինչը անհնար է դարձնում արդար մրցակցությունը», — գրված է Դուրովի՝ հավելվածների մշակողների համար նախատեսված փակ ալիքում տեղադրված հաղորդագրությունում։
Մասնագետները նշել են, որ Telegram-ի ավտոմատ թարմացումը դեպի ազգային մեսենջեր կարող է հարցեր առաջացնել օգտատերերի մոտ։ Սակայն պետական մարմինները վստահեցրել են, որ անցումը կլինի թափանցիկ՝ պահպանումով բոլոր տվյալները, հաղորդագրությունները և մեդիաֆայլերը։ Բացի այդ, ինտերֆեյսը կլինի նմանատիպ, որպեսզի մեծ մասը՝ մասնավորապես տնային տնտեսուհիները, չնկատեն տարբերությունը։
Բաժանորդագրվեք մեր ալիքին Telegram-ում
